Тизимли қўллаш учун антигистамин воситалар. Пиперазин ҳосилалари. АТХ коди Р06А Э09.

Қобиқ билан қопланган планшетлар.

Асосий физика-кимёвий хусусиятлари: яшил рангли, қобиқ билан қопланган,
думалоқ, икки томонлама қабариқ планшетлар.

таъсир этувчи модда: левоцетиризин дигидрохлориди (levocetirizine dihydrochloride);

1 та қобиқ билан қопланган планшет 5 мг левоцетиризин дигидрохлоридини сақлайди;

ёрдамчи моддалар: микрокристалл целлюлоза, натрий кроскармеллоза, магний стеарати,
сувсиз коллоид кремний диоксиди, Opadry II 85G51300 яшил*;

*Opadry II 85G51300 яшил: поливинил спирти, тальк, титан диоксиди (Е 171),
полиэтиленгликоль, лецитин, индигокармин (Е 132), хинолин сариғи (Е 104),
"қуёш ботиши" сариғи FCF (Е 110)

Фармакодинамикаси.

Левоцетиризин – бу цетиризиннинг фаол барқарор R-энантиомери бўлиб, периферик H1-гистамин рецепторларининг рақобатбардош антагонистлари гуруҳига киради. Левоцетиризиннинг H1-гистамин рецепторларига мойиллиги цетиризинга қараганда 2 баравар юқори. Аллергик реакциянинг гистаминга боғлиқ ривожланиш босқичига таъсир қилади, эозинофиллар миграциясини, томирлар ўтказувчанлигини камайтиради, яллиғланиш медиаторлари ажралишини чеклайди. Аллергик реакциялар ривожланишининг олдини олади ва кечишини енгиллаштиради, антиэкссудатив, қичишишга қарши ва яллиғланишга қарши таъсир кўрсатади, деярли антихолинергик ва антисеротонинергик таъсир кўрсатмайди.

Фармакокинетикаси.

Левоцетиризиннинг фармакокинетик кўрсаткичлари чизиқли боғлиқликка эга, доза ва вақтга боғлиқ эмас ҳамда турли беморларда паст ўзгарувчанликка эга. Ягона энантиомер юборилгандаги фармакокинетик профил цетиризин қўлланилгандаги билан бир хил. Абсорбция ёки чиқарилиш жараёнида хирал инверсия кузатилмайди.

Абсорбция

Левоцетиризин оғиз орқали қабул қилинганидан кейин тез ва интенсив сўрилади. Препаратнинг сўрилиш даражаси дозага боғлиқ эмас ва овқатланиш билан ўзгармайди, аммо препаратнинг максимал концентрацияси (Сmах) камаяди ва кечроқ чўққисига чиқади. Bioavailability (биокираолишлиги) 100 % ни ташкил қилади.

Беморларнинг 50 фоизида левоцетиризиннинг таъсири бир марталик дозани қабул қилгандан 12 дақиқа ўтгач, 95 фоизида эса 0,5-1 соатдан кейин ривожланади. Қон зардобидаги максимал концентрация (Сmах) бир марталик терапевтик дозани қабул қилгандан 50 дақиқа ўтгач кузатилади. Қондаги мувозанатли концентрацияга препаратни икки кун қабул қилгандан кейин эришилади. Сmах 5 мг дозада бир марта қўлланганда 270 нг/мл ни, такрорий қўлланганда эса 308 нг/мл ни ташкил этади.

Тақсимланиши.

Препаратнинг инсон тўқималарида тақсимланиши, шунингдек, левоцетиризиннинг гематоэнцефалик тўсиқ орқали ўтиши ҳақида маълумотлар мавжуд эмас. Тадқиқотларда энг юқори концентрация жигар ва буйракларда, энг пасти эса марказий нерв тизими тўқималарида қайд этилган. Левоцетиризиннинг тақсимланиши чекланган, чунки тақсимланиш ҳажми 0,4 л/кг ни ташкил қилади. Плазма оқсиллари билан боғланиши – 90 %.

Биотрансформация.

Инсон организмида метаболизм даражаси левоцетиризин дозасининг 14 % дан камроғини ташкил қилади, шунинг учун генетик полиморфизм ёки ферментатив ингибиторларни бирга қабул қилиш натижасидаги фарқлар аҳамиятсиз бўлиши кутилади. Метаболизм жараёни ароматик оксидланиш, N- ва O- деалкилланиш ва таурин билан конъюгацияни ўз ичига олади. Деалкилланиш биринчи навбатда CYP 3A4 ситохроми иштирокида содир бўлади, ароматик оксидланишда эса кўплаб ва (ёки) аниқланмаган CYP изоформалари иштирок этади. Левоцетиризин 5 мг дозадан кейинги максимал концентрациялардан сезиларли даражада юқори концентрацияларда 1A2, 2C9, 2C19, 2D6, 2E1, 3A4 ситохром изоферментлари фаоллигига таъсир кўрсатмади. Метаболизмнинг паст даражасини ва метаболизмни тормозлаш қобилияти йўқлигини ҳисобга олган ҳолда, левоцетиризиннинг бошқа моддалар билан ўзаро таъсири эҳтимоли паст.

Чиқарилиши.

Препаратнинг экскрецияси асосан коптоқчалар фильтрацияси ва фаол каналчалар секрецияси ҳисобига содир бўлади. Катталарда левоцетиризиннинг қон плазмасидан ярим чиқарилиш даври (Т1/2) 7,9 ± 1,9 соатни ташкил қилади. Кичик болаларда ярим чиқарилиш давri қисқароқ. Катталардаги ўртача умумий клиренс – 0,63 мл/дақ/кг. Левоцетиризин ва унинг метаболитлари организмдан асосан сийдик билан чиқарилади (қўлланилган дозанинг ўртача 85,4 % қисми). Аҳлат билан левоцетиризин дозасининг атиги 12,9 % қисми чиқарилади.

Махсус популяциялар

Буйрак функциясининг бузилиши

Левоцетиризиннинг клиренси креатинин клиренси билан корреляция қилади. Шунинг учун буйрак функцияси ўртача ва оғир даражада бузилган беморларда левоцетиризин қабуллари орасидаги интервалларни креатинин клиренсини ҳисобга олган ҳолда танлаш тавсия этилади. Буйрак касаллигининг терминал босқичидаги анурия ҳолатида беморларнинг умумий клиренси соғлом шахсларга нисбатан тахминан 80 % га камаяди. Стандарт 4 соатлик гемодиализ муолажаси давомида чиқариладиган левоцетиризин миқдори 10 % дан камни ташкил этади.

Аллергик ринитни (шу жумладан бутун йил давомидаги аллергик ринитни) ва эшакемни (кропивнитса) симптоматик даволаш.

Левоцетиризинга, цетиризинга, гидроксизинга, пиперазиннинг ҳар қандай бошқа ҳосилаларига ёки препаратнинг ҳар қандай бошқа ёрдамчи моддасига юқори сезувчанлик.

Сурункали буйрак етишмовчилигининг оғир шакли (креатинин клиренси < 10 мл/дақ).

Levotsetirizin bilan o‘zaro ta’sir bo‘yicha tadqiqotlar (shu jumladan CYP3A4 induktorlari bilan tadqiqotlar) o‘tkazilmagan. Tsetirizin (ratsemat birikmasi) bilan o‘tkazilgan tadqiqotlar shuni ko‘rsatdiki, antipirin, azitromitsin, tsmetidin, diazepam, eritromitsin, glipizid, ketokonazol yoki psevdoefedrin bilan bir vaqtda qo‘llash klinik jihatdan ahamiyatli nojo‘ya o‘zaro ta’sirlarni keltirib chiqarmaydi. Teofillin (sutkasiga 400 mg) bilan birga qo‘llanilganda levotsetirizinning umumiy klirensi biroz (16 % ga) pasayishi kuzatilgan (teofillinning taqsimlanishi o‘zgarmagan). Ritonavir (kuniga 2 marta 600 mg) va tsetirizinni (kuniga 10 mg) ko‘p marta qo‘llash tadqiqotida tsetirizinning ekspozitsiya darajasi taxminan 40 % ga oshgan, ritonavirning taqsimlanishi esa tsetirizin bilan parallel qo‘llanilganda biroz (-11 %) o‘zgargan.

Ovqat iste’mol qilish preparatning so‘rilish darajasiga ta’sir qilmaydi, ammo uning absorbsiya tezligini pasaytiradi.

Tsetirizin yoki levotsetirizinni alkogol yoki markaziy nerv tizimining boshqa depressantlari bilan bir vaqtda qo‘llash moyilligi bor bemorlarda diqqatni jamlash va ish qobiliyatining qo‘shimcha ravishda pasayishiga olib kelishi mumkin.

Левоцетиризин билан ўзаро таъсир бўйича тадқиқотлар (шу жумладан CYP3A4 индукторлари билан тадқиқотлар) ўтказилмаган. Цетиризин (рацемат бирикмаси) билан ўтказилган тадқиқотлар шуни кўрсатдки, антипирин, азитромицин, цметидин, диазепам, эритромицин, глипизид, кетоконазол ёки псевдоэфедрин билан бир вақтда қўллаш клиник жиҳатдан аҳамиятли ножўя ўзаро таъсирларни келтириб чиқармайди. Теофиллин (суткасига 400 мг) билан бирга қўлланилганда левоцетиризиннинг умумий клиренси бироз (16 % га) пасайиши кузатилган (теофиллиннинг тақсимланиши ўзгармаган). Ритонавир (кунига 2 марта 600 мг) ва цетиризинни (кунига 10 мг) кўп марта қўллаш тадқиқотида цетиризиннинг экспозиция даражаси тахминан 40 % га ошган, ритонавирнинг тақсимланиши эса цетиризин билан параллель қўлланилганда бироз (-11 %) ўзгарган.

Овқат истеъмол қилиш препаратнинг сўрилиш даражасига таъсир қилмайди, аммо унинг абсорбция тезлигини пасайтиради.

Цетиризин ёки левоцетиризинни алкоголь ёки марказий нерв тизимининг бошқа депрессантлари билан бир вақтда қўллаш мойиллиги бор беморларда диққатни жамлаш ва иш қобилиятининг қўшимча равишда пасайишига олиб келиши мумкин.

Surunkali buyrak yetishmovchiligi bo'lgan bemorlarda (dozalash rejimiga tuzatish kiritish zarur) va keksaygan bemorlarda (koptokchalar filtratsiyasi pasayishi mumkin) ehtiyotkorlik bilan qo'llansin. Preparatni alkogol bilan bir vaqtda qabul qilganda ehtiyotkorlikka rioya qilish lozim ("Boshqa dori vositalari bilan o'zaro ta'siri" bo'limiga qarang).

Bemorlarda siydik tutilishiga moyillik yaratuvchi omillar (masalan, orqa miya jarohatlari, prostata bezi giperplaziyasi) mavjud bo'lganda preparatni tayinlashda, levotsetirizin siydik tutilishi xavfini oshirishini hisobga olish kerak.

Terapevtik dozalarda qo'llanilganda sedativ vositalarning ta'sirini kuchaytirishi haqida ma'lumotlar yo'q. Ammo preparatni qabul qilish vaqtida sedativ vositalarni qo'llashdan tiyilish lozim.

Antigistamin preparatlari teri allergik sinamalariga bo'lgan javobni bosishi mumkinligi sababli, ularni o'tkazishdan oldin yuvilish davri (3 kun) talab etiladi.

Levotsetirizinni qo'llash to'xtatilganda, hatto davolashdan oldin bu simptomlar bo'lmagan bo'lsa ham, qichishish paydo bo'lishi mumkin. Qichishish o'z-o'zidan o'tib ketishi mumkin. Ba'zi hollarda qichishish intensiv bo'lishi mumkin, bu esa davolashni qayta tiklashga sabab bo'lishi mumkin. Levotsetirizinni qayta qo'llashdan keyin qichishish, odatda, o'tib ketadi.

Yordamchi moddalar.

Preparat tarkibida "quyosh botişi" sarig'i FCF (E 110) bo'yog'i mavjud bo'lib, u allergik reaksiyalarni keltirib chiqarishi mumkin.

Сурункали буйрак етишмовчилиги бўлган беморларда (дозалаш режимига тузатиш киритиш зарур) ва кексайган беморларда (коптоқчалар фильтрацияси пасайиши мумкин) эҳтиёткорлик билан қўллансин. Препаратни алкоголь билан бир вақтда қабул қилганда эҳтиёткорликка риоя қилиш лозим ("Бошқа дори воситалари билан ўзаро таъсири" бўлимига қаранг).

Беморларда сийдик тутилишига мойиллик яратувчи омиллар (масалан, орқа мия жароҳатлари, простата бези гиперплазияси) мавжуд бўлганда препаратни тайинлашда, левоцетиризин сийдик тутилиши хавфини оширишини ҳисобга олиш керак.

Терапевтик дозаларда қўлланилганда седатив воситаларнинг таъсирини кучайтириши ҳақида маълумотлар йўқ. Аммо препаратни қабул қилиш вақтида седатив воситаларни қўллашдан тийилиш лозим.

Антигистамин препаратлари тери аллергик синамаларига бўлган жавобни босиши мумкинлиги сабабли, уларни ўтказишдан олдин ювилиш даври (3 кун) талаб этилади.

Левоцетиризинни қўллаш тўхтатилганда, ҳатто даволашдан олдин бу симптомлар бўлмаган бўлса ҳам, қичишиш пайдо бўлиши мумкин. Қичишиш ўз-ўзидан ўтиб кетиши мумкин. Баъзи ҳолларда қичишиш интенсив бўлиши мумкин, бу эса даволашни қайта тиклашга сабаб бўлиши мумкин. Левоцетиризинни қайта қўллашдан кейин қичишиш, одатда, ўтиб кетади.

Ёрдамчи моддалар.

Препарат таркибида "қуёш ботиши" сариғи FCF (Е 110) бўёғи мавжуд бўлиб, у аллергик реакцияларни келтириб чиқариши мумкин.

Homiladorlik yoki emizish davrida qo'llanilishi.

Homiladorlik

Levotsetirizin homiladorlik davrida qo'llash uchun qarshi ko'rsatmalarga ega.

Emizish

Tsetirizin ona sutiga o'tadi, shuning uchun preparatni qo'llash zarurati bo'lganda emizishni to'xtatish kerak.

Fertillik

Levotsetirizinning fertillikka ta'siri bo'yicha klinik ma'lumotlar (shu jumladan hayvonlardagi tadqiqotlar) mavjud emas.

Ҳомиладорлик ёки эмизиш даврида қўлланилиши.

Ҳомиладорлик

Левоцетиризин ҳомиладорлик даврида қўллаш учун қарши кўрсатмаларга эга.

Эмизиш

Цетиризин она сутига ўтади, шунинг учун препаратни қўллаш зарурати бўлганда эмизишни тўхтатиш керак.

Фертиллик

Левоцетиризиннинг фертилликка таъсири бўйича клиник маълумотлар (шу жумладан ҳайвонлардаги тадқиқотлар) мавжуд эмас.

Avtotransportni boshqarish yoki boshqa mexanizmlar bilan ishlashda reaksiya tezligiga ta'sir qilish qobiliyati.

Preparat bilan davolanish vaqtida avtotransportni boshqarish yoki boshqa potentsial xavfli mexanizmlar bilan ishlashdan tiyilish lozim.

Автотранспортни бошқариш ёки бошқа потенциал хавфли механизмлар билан ишлашда реакция тезлигига таъсир қилиш қобилияти.

Препарат билан даволаниш вақтида автотранспортни бошқариш ёки бошқа потенциал хавфли механизмлар билан ишлашдан тийилиш лозим.

Препарат катталар ва 6 ёшдан ошган болаларга суткалик 5 мг дозада (1 таблетка) кунига 1 марта, овқатланишдан қатъи назар, ичга буюрилади. Таблеткани бутунлигича, оз миқдордаги сув билан ичиш лозим.

Буйрак функцияси нормал бўлган кексайган беморлар: препарат дозасига тузатиш киритиш талаб этилмайди.

Буйрак функцияси бузилган беморларда дозани ҳисоблаш креатинин клиренсини ҳисобга олган ҳолда жадвалга мувофиқ амалга оширилиши керак.

Ушбу дозалаш жадвалидан фойдаланиш учун беморнинг креатинин клиренсини (КЛкр) мл/дақ да баҳолаш керак. КЛкр (мл/дақ) қон зардобидаги креатинин миқдоридан (мг/дл) келиб чиқиб, тегишли формула ёрдамида аниқланади.

Буйрак функцияси бузилган беморлар учун препарат дозасига тузатиш киритиш:

Буйрак функцияси бузилган болаларда препарат дозаси беморнинг буйрак клиренси ва тана вазнини ҳисобга олган ҳолда индивидуал равишда тузатилади.

Буйрак функцияси бузилган болаларда қўллаш бўйича махсус маълумотлар мавжуд эмас.

Жигар функцияси бузилган беморлар.

Фақат жигар етишмовчилиги бўлган беморларда дозалаш режимига тузатиш киритиш талаб этилмайди. Жигар ва буйрак етишмовчилиги бирга кечаётган беморларда дозалаш режими юқоридаги жадвалга мувофиқ созланиши керак.

Қўллаш давомийлиги.

Вақти-вақти билан кузатиладиган аллергик ринит билан оғриган беморларни (симптомлар ҳафтасига 4 кундан кам ёки йилига 4 ҳафтадан кам давом этганда) касалликнинг кечиши ва анамнезига мувофиқ даволаш керак: симптомлар йўқолганда даволашни тўхтатиш ва симптомлар қайта пайдо бўлганда тиклаш мумкин. Доимий аллергик ринитда (симптомлар ҳафтасига 4 кундан ортиқ ва йилига 4 ҳафтадан ортиқ давом этганда) аллергенлар билан алоқа қилиш даврида беморга доимий терапия таклиф қилиниши мумкин. Левоцетиризинни камида 6 ойлик даволаш даврида қўллаш бўйича клиник тажриба мавжуд. Сурункали касалликларда (сурункали аллергик ринит, surunkali eshakem) даволаш давомийлиги 1 йилгача бўлиши мумкин.

Болалар.

Препарат 6 ёшдан ошган болаларда қўлланилади.