Chang gullari allergiyasi Chang va jun hayvonlar allergiyasi Oziq-ovqat allergiyasi

Chang va junga allergiya? Zamonaviy allergiyaga qarshi vosita - L-Set®

Odatda allergiklar uchun eng bezovta vaqt bahor deb hisoblanadi. Biroq so'nggi tadqiqotlar
shuni ko'rsatdiki, hatto kuz va qishda ham xotirjamlikka berilmaslik kerak. Uy changi va
uy hayvonlarining juniga bo'lgan allergiya aynan shu davrda — derazalar deyarli ochilmaydigan
va xonani yaxshilab shamollatish imkoniyati kamaygan vaqtda faollashadi.

Chang va junga bo'lgan allergiyaning kelib chiqish sababi nima?

Chang va junga bo'lgan allergiyada organizm qo'zg'atuvchilarning o'ziga emas, balki ularning
ichida yashaydigan mikroorganizmlarga reaksiya beradi. Biz chang deb ataydigan narsa – bu turli
xil mikroskopik zarralar aralashmasidir. U inson epiteliysining mayda tangachalari, uy
hayvonlarining juni, oziq-ovqat qoldiqlari, o'simlik changlari, choyshab va kiyimlarning to'qima
tolalari, kemiruvchilar va hasharotlarning chiqindilari, mog'or va achitqi qo'ziqorinlarining
sporalari, bakteriyalar va hatto tirik mavjudotlar – mikroskopik chang kanalari (kana) bo'lishi
mumkin. Ularning hajmi atigi 100 dan 300 mikrongacha. Saprofitlar inson terisining o'lik
tangachalari bilan oziqlanadi. Inson bir yilda qariyb 2 kg shunday zarralarni "tashlagani"
sababli, bizning xonadonlarimizda bu kanalarning yashashi uchun sharoit shunchaki ajoyib.

Zararli zarralar to'planadigan har qanday buyumlar (gilamlar, yostiqlar, ko'rpalar, matraslar,
ko'p yillik kitoblar to'plami saqlanadigan tokchalar) allergiya belgilarini keltirib
chiqarishi mumkin.

Allergik kasalliklar bilan birga keladigan belgilar

Burun bitishi, tez-tez aksirish, rinit;

Ko‘zning qizarishi, qichishi, yosh oqishi;

Hansirash, nafas qisishi, bo‘g‘ilish;

O‘pkada hushtaksimon xirillashlar, yo‘talishga behuda urinishlar.

Ushbu savol yagona yechimga ega – albatta, shifokorga murojaat qilish kerak. Faqat shifokor zarur tekshiruvlarni tayinlaydi, to‘g‘ri tashxis qo‘yadi va tegishli davolashni belgilaydi. Hech qanday holatda o‘zboshimchalik bilan davolanish (samolechenie) mumkin emas!

Chang va junga bo‘lgan allergiya – bu shunchaki organizmning injiqligi emas, balki har qanday kasallik kabi davolanishni talab qiladigan jiddiy xastalikdir. Garchi undan butunlay va abadiy qutulishning iloji bo‘lmasa-da, har qanday holatda simptomlarni bartaraf etish va holatni yengillashtirish mumkin.

Mana chang va junga bo‘lgan allergiyada holatni yengillashtirishga yordam beradigan tavsiyalar:

  • Hatto qish vaqtida ham xonani imkon qadar tez-tez shamollatib turish zarur;
  • Xonada imkon qadar tez-tez namli tozalash ishlarini o‘tkazish kerak;
  • Agar organizm aynan hayvonlarga nisbatan noto‘g‘ri reaksiya bersa, ular bilan bevosita muloqotdan saqlanish lozim;
  • Interyerdan chang yig‘uvchi barcha buyumlarni: gilamlar, ochiq shkaflar va javonlarni chiqarib tashlash tavsiya etiladi. Kitoblar saqlanadigan shkaf eshiklari albatta oynalangan bo‘lishi kerak;
  • Derazalarga yuvish mumkin bo‘lgan paxtali yoki sintetik yengil pardalar osgan ma’qul, lekin aslo jalyuzi emas – ular universal chang yig‘uvchi hisoblanadi;
  • Allergiyasi bor bemorlar yashaydigan xonada tamaki chekish qat’iyan man etiladi – tamaki tutunining o‘zi ham juda kuchli qo‘zg‘atuvchidir;
  • Xona o‘simliklari mog‘or ko‘payishiga va uy changi hosil bo‘lishiga sabab bo‘lishi mumkin, shuning uchun ulardan yo voz kechish, yoki ularni doimiy ravishda toza tutish kerak.

Manbalar

* L-tset preparati yo'riqnomasiga ko'ra, bir martalik dozani qabul qilgandan so'ng, 50 % bemorlarda levotsetirizinning ta'siri 12 daqiqadan keyin boshlanadi.

1. Marushko Yu.V., Shef G.G. ATOPIK HOLATDAGI BOLALARDA BRONXIT VA PNEVMONIYA TERAPIYASIDA LEVOTSETIRIZINNI QO'LLASH IMKONIYATLARI // "BOLALAR SALOMATLIGI" JURNALI 4 (47) 2013

2. L-TSET dori vositasini tibbiyotda qo'llash bo'yicha yo'riqnoma UA/8612/01/01, UA/8612/02/01.

3. Besh L.V. Bolalarda mavsumiy allergiya: tashxis qo'yish va davolashning amaliy jihatlari / Health UA // 04.07.2016 https://health-ua.com/article/5361-sezonna-alergya-udtej--praktichn-aspekti-dagnostiki-talkuvannya

4. Sudakevich V.I. O'simlik changiga allergiya [Elektron resurs] / Sudakevich V.I. // "21-SONLI SHAHAR POLIKLINIKASI" KP. – 8. – Resursga kirish: https://21pol.city.kharkov.ua/alergiya-na-pylok-roslyn/. Hilkka Viitanen. Qo'llanma 01072. Kattalarda oziq-ovqat allergiyasi // 2017-05-31 https://guidelines.moz.gov.ua/documents/3788

O‘Z-O‘ZIDAN DAVOLANISH SOG‘LIG‘INGIZ UCHUN ZARARLI BO‘LISHI MUMKIN.